紐西蘭 100% Pure 遊學之旅 (8) -- Queenstown 編

從 Mt. Cook 去 Queenstown，中間經過很多峽谷和丘陵，這裏會經過非常直的高速平路，大片彎堯過狹谷的飄移彎路， 成 S 字型的左右上落彎，還有下山的連環18個髮夾彎（近 Arrow Town），肯定勁過澳門大賽車，沿途車唔少但紐西蘭人渣車都好守規矩， 當然很多路都是單線行車，遇到慢車就要看準時機爬頭，遇到對面有車黎或者彎路和高低路就要非常小心，因為大家都開到成百幾咪家嘛！但系中意渣車既人肯定會非常過癮。到 Queenstown 前，我們會先堯路經過 Wanaka, 這裏是一個非常安靜的小鎮，黎到呢度已經系下晝成4點幾，出名既汽車和飛機博物管已經關門，但路邊既Wanaka 迷宮好彩仍然未刪，裏面仲有一D玩錯覺藝術的東西，好似去廁所和拖托大石等。我地冇乜時間玩太耐就馬上要開車走了，一路上都是森林和山區，其中一段路更迷路了，好在紐西蘭路牌和地圖都頗清晰，好快就到佐一個懸崖，望落山下就系 Queenstown 了。我地開車落山要經過去18個發髮夾彎，落到一半已經頭暈了，停落黎休息一陣先可以頂埋果段路！

下山後車和屋都多了，到了市中心先發現幾熱鬧，但天黑了，馬上搵到之前訂既湖邊酒店Rydges。酒店向正 Lake Wakatipu 湖但好貴，成 NZD250晚。渣車辛苦了幾日，在 Queenstown 打算住兩晚休息，今天原來是年三十晚，但這裏冇咩中國人，中國菜又唔多，最後去佐泰國餐廳醫肚，可能離開 Auckland 後好多日都食三文治同麵包，有白飯和亞洲菜就特別好味。第二日我們正在討論去唔去晚Bungee Jump。最後都冇膽試，而系座佐隻成百歲既蒸氣船去 Walter Peak Farm 騎馬，我地騎馬技術嘛嘛，都系農場的人幫我們帶著我們上山，這農場養了很多馬，羊，牛和鹿，以前是賣的，現在就讓人觀光。

 

 

下午回到市鎮後到處走走，去到吊車站就上去山頂看看，吊車慢慢升起，整個Queenstown 就活現眼前。Queenstown 是 Lake Wakatipu 兩個湖交接的湖邊城市，兩邊是高山，在陸地突出到湖中的一片地方是公園，由觀境台上向下望特別有氣勢，而且觀景台下面有人跳 Bungee jump，旁邊有人玩滑翔傘，遠處又有高速快艇，所以這裏被喻為是戶外刺激活動的發源地！在吊車站旁邊有一個 Kiwi 博物館，養了一些 Kiwi（與奇異果同名），Kiwi 是好細小既走地鳥類，只有手掌般大，因為外來動物及人類干擾，已經越來越貧危了，以前只在鞋油或清潔用品知道這個大名，現在才真正見識到這種紐西蘭的國家代表，紐西蘭白種人也喜歡用 Kiwi 來稱呼自己，土著就稱為 Maori（毛里人）。

 

 

Queenstown市區有很多 Book Day Trip 既旅遊代理，真係你想得出幾激既玩意都有得玩，有 D 係將個人綁響個波裏面由山頂碌落去，有 D 係就將個人放係個吊車上用風扇在山邊吹來吹去，鬼甘癲！爬山用品就到處都係，呢度有銷售稅，買野當然比香港貴。其他買野既他方主要賣既係羊毛製品，頸巾毛衣底衫乜都有，但款式就幾老套，而且一般頸巾都要港幣三四百蚊。羊脂膏和護膚品亦唔平，我響 Rotorua 已經買了條頸巾，呢個旅遊區就買唔落手

 

 

今天是大年初一，食乜野好？最後搵到一間日本料理豪一餐，我地叫了一個套餐，因為唔識日文和英文意思，裏面黎佐有一道菜是生肉片，waitress 一直冇拎火鍋和鐵板架撐過黎就知道不是 sabu sabu 或鐵板燒，最後問他們才知道原來是馬肉 Sashimi! 由於早上才騎馬上山，見到呢碟野就噁心和傷心（唔會係頭先隻馬哇下）！雖然這裏是紐西蘭，D 馬肉應該好新鮮同好貴！但我最後全部比晒我 Partner 食，在大年初一估唔到差 D 要食生馬肉！

 

 

 

第三日早上 check out 以後先向 Arrow Town（箭城）進發，呢度以前因為百幾年前曾經發現金礦而發展起來，依家當然就挖晒啦，但都仲可以 join  團去淘金，我地黎呢度只系想睇睇以前既建築物，仲響其中一條舊街的小店裏嘆佐個正早餐添！

紐西蘭 100% Pure 遊學之旅 (7) -- Mt. Cook 編

    離開了北島， 我們繼續向南島進發， 上次講過， 由於租車公司唔比顧客開車乘渡輪橫渡南北兩島，因此由北到南最好方法還是搭飛機， 我們早在網上買了紐西蘭航空機票飛去南島最大城市Christchurch. 價錢只是 NZD100，但卻要在首都 Wellington 轉機。在 飛到 Wellington 時看到下面首都大部分是一座座的紅色 House, 真想像不到這就是一國之都。轉了飛機，開始進入南島，忽然在右手邊的雲層中看到一片連綿不斷的山脈，而山頂上都鋪滿了藹藹白雪，這就是南阿爾卑斯山！不錯，這是夏天，但南阿爾卑斯山頂終年積雪，北半球瑞士的風景在南半球的紐西蘭會更漂亮和更原始。

 

降落到 Christchurch 後，由於今晚要到南阿爾卑斯山的 Mt Cook 裏過夜，我們馬上領取了租的車就起行，這次租既系 Toyota Corolla, 5年前款，比之前的 Pulsar 小但引擎就就暢順得多。在附近的花園露天餐廳吃了Sandwich ，補充了水和小食，馬上展開進入“Lord of the Ring” 的國度。

  

   南島馬路比北島更簡單，只要認得號碼，基本上是不會迷路的，我們離開了Christchurch 往南走，車越來越少，我們在南北 1 號公路行了 2 個多小時就要向右轉入山區，這時路上基本上是空空的，我們就越開越快，因為路很直，最快竟然開到160km! 車身開始震先知到了極速(千萬不要學，其實好危險架！)。

 

 

  前面的山景越來越漂亮，天藍，草綠加片片白雲，標準風景畫一樣，再開1小時左右，前面忽然出現一個“奶藍色”的湖，湖水藍得好“假”，再配上後面遠處鋪了雪的阿爾卑斯山，噢！這是童話仙境嗎？簡直就像夢中一樣夢寐以求的意境，這個地方叫 Tekapo 湖，由於水裏有礦物質，湖水藍色加白色就好似水彩顏色一樣，我們看不到有沒有魚在水裏但有不少鴨仔卻係水面游來遊去呢！據聞梁詠琪拍 FANCL 廣告時，特意用四天時間從香港飛到 Lake Tekapo 取景（響湖邊轉來轉去個輯），你唸一下就知道這裏有幾靚。湖旁邊還有一個小教堂，仲可以係到舉行婚禮添！

 

 

 

    再繼續向前走，我們向著雪山進發，車越來越少，山上的白雪越覺得清晰，溫度也越來越低，我們右邊是另一個奶藍色的湖 Lake Pukai，旁邊都是聖誕樹（松樹）。 很快就到了雪山腳下的 Mount Cook，好宏偉哦！ 其實 Mount Cook 只是一個旅遊補給站，並不是市鎮，這裡只有三四間旅館，當然都很貴的了， 由於早知會無房住所以在網上book 了獨立雙人房的 YHA，雖然無獨立洗手間，但NZD60 在雪山區找到乾淨的雙人房簡直超值！這 YHA 全是木製，被附近四面的雪山所包圍住， 有許多 Backpacker 住係到留宿一宵享受這寧靜的一刻，晚上 book 了第二日去冰河 rafting。

 

 

 

    早上起來空氣特別清新，但由於風太大，rafting 取消了，我們只好到附近的登山博物管及唯一的酒店飲 Coffee，由於天氣好好，我地在山下也能清楚看到雪山上有一個個黑點的人在爬雪山。博物館也記載了這麼多年來一去不返的登山者資料，真慨歎人類有這麼大的勇氣去征服大自然。稍後看著地圖，開車到最近的冰河去看風景，沿途都是碎石路（後來先知呢 D 路保險系唔 Cover的）去到目的地後走到山崗上向下面看，原來因為天氣變暖，冰河已經退到遠處，我們無緣摸下萬年冰川呢。其實還有直升機飛到 Mt. Cook 山頂及冰河上，但 30 分鐘的價錢就盛惠 NZD390（HK$1,500）一位，比北島飛過來貴重4倍，最後當然冇甘“豪”啦。冇上雪山，在山下影相都系一幅幅 Calendar 風景畫。  

 

 

   我們又以高速（160km, 唔好學）離開 Mt. Cook 出發去食三文魚!我們從 Tekapo 黎 Mt. Cook 時本來就專登要走小路去這裏的三文魚魚場，但因為5點已經刪門，所以唯有今日在回頭去食，這三文魚場是在旁邊挖出一條小河並引水過來養魚的。在這個雪山下的小河邊旁食魚生真系好特別。我都唔記得幾錢，但總之唔貴而且是一等一新鮮，Yummy! 我們夠鐘出發去下一站 Queenstown了，從魚場返回 highway 的路有幾個水壩，再走一段路就在 Lake Pukai 邊睇到遠處 Mt. Cook 的倒影。噢，好鬼靚哦！

 

紐西蘭 100% Pure 遊學之旅 (6) -- Bay of Islands 編

   大多數香港人去紐西蘭北島都只會去 Auckland, Rotorua 或者 Wellington, 其實最精彩的景點或許係北島最北面的 Bay of Islands, 那裡有延綿不斷長達 90 公里白色海灘, 可以駕駛四驅車係海邊飛馳, 也可以坐船到海灣睇海豚在水中暢游. 令人流連忘返………

 

Paihia 係 Bay of Islands 北島中最適合于住宿及短途旅行的小鎮, 由Auckland 楂車到 Paihia 車程要 4 小時, 到達呢個小鎮時已近日落, 接近晚上9點 由於日長夜短, 感覺並唔覺得好夜, 仲可以利用多點時間睇下周圍的環境, 但咁岩果日系周末及夏天的旅遊旺季, 好多 Motel 都已 Fully Booked, 我地用左1個多小時先搵到一間頗貴的 Motel (NZD200), 然後到海邊的餐廳享用了海鮮餐. 味道不過不失. 第二日早上報名參加兩個 Local Tour 團, 第一個係坐船到 Bay of Islands 對出的海灣睇海豚. 隻船可以容納幾十人, 大概半個鐘後, 突然之間見到幾條海豚躍出海面, 階因第一次係海見到野生海豚, 心裡禁不住大叫出口, 而且越來越多的海豚同一時間係船邊飛躍出水面, 左右前後, 仲一路追逐我地架船, 好像同你鬥快咁, 轉眼之間, 過百條的海豚不知不覺係你眼前出現, 令你目不暇給. 後來先知呢度係瓶鼻海豚的家. 有數以百計的海豚係到居住. 所以才有你個難得的機會目睹震撼場面. 架船一路去到 Motukokako Island 就見到大海中酷似象鼻山形狀的 Grand Cathedral Cave, 來回穿越了兩次,  之後就到佐令外一個島, 坐係鋪滿了青草的斜坡上食午餐, 同時也可以欣償海景同山坡上的羊群.雖然海水好凍只得 20 度左右, 但團員中都仲有好多忍不住跳入碧藍的大海中暢游.

 

 

 

    下午回到岸上搵到另外一間平靚正的 Motel 大概 AU$160. 仲係靠近海邊同市中心添! 到小鎮附近Shopping 遊盪, 發掘的新玩意兒, 食左個本地非常出名的雪糕 Hoky Poky . 好好味, 之後楂車去佐另一個小鎮Waitangi , 呢度係紐西蘭的毛利人同歐洲人共同係 1840 年簽署條約正式宣佈紐西蘭成立的地方. 非常之有歷史價值. 但令我印象最深刻的是楂車去到果度的另外一個山頭, 可以飽覽整個 Bay of Island 的全貌, 由近至遠的海島, 一座座屹立係海中. 這時天色近黃昏, 除了牛羊之外就剩下我地， 突然心血來潮, 想試下楂大膽車的滋味. 就咁我人生裡第一次嘗試楂車, 感覺非常之有趣. 很快的已經掌握了基本要領兼可以控制自如了。   

 

 

 

 

    第二日早上午我地進入左紐西蘭最北面的角落, 要經過一個 90 里長灘,而資料得知, 如果想自己楂車進入係非常之危險, 而且保險不會賠償. 所以我地只有暫時擺低架車, 跟 Local Tour 巴士團起行, 司機兼做導遊，一邊開車一邊介紹，好利害耶！Ninty Miles Beach  離開  Paihia 200km, 由於越向北走,天气就越暖, 路上經過很多溫帶樹林, 導遊會停下來為我們介紹一些巨型參樹, 足足要5個人才能抱得住. 而且有些木材雕刻店會出售一些萬年枯木制成的記念品，我也買了一塊小鏡子呢。到了 Ninty Miles Beach，巴士就走道海灘上奔馳，海灘非常寬闊，海浪也非常大，我們的車走了很久都沒遇到一個人，只有海鳥在海灘覓食，氣勢極為磅礡。我們到了盡頭，才遇到一大班遊客在一大座“沙山”的底下，原來大家都在滑沙！導遊在車上拿出很多滑沙板，我們就一一爬到沙堆頂，但看到下面非常斜，起初不敢落去，但看大家都好 ”勇”，我鼓起勇氣也滑下去了，速度好快！好刺激呀！   

 

 

 

  

   巴士再次起行這次真的到了紐西蘭最北角 Cape Reinga，那裡是一個懸崖兩邊是太平洋和 Tasiman  海，交叉的海水有兩種不同的顏色，盡頭處是一個燈塔周圍草地上都是海鷗。我們午餐在旁邊一個海灣去食飯盒。回程是3個小時的車，車上的人都睡著了，但導遊（司機）還在一路楂車一路講解，感覺就好似播錄音帶咁，佩服佩服！途中終於遇到招牌的羊群堵塞馬路的情景，好多羊咩咩哦！足足擾攘佐半個多小時才回複正常。

 

 

   回到 Paihia 已經是下午5點，今天要開夜車趕回 Auckland，明天早上要搭飛機去南島，估唔到第一次響外國開車就要開夜車，仲要開4個鐘，真有 D 擔心。我們一直在 Twin Coastal Highway 飛奔回去，途中路上都沒有街燈，但車前的大光燈一開，路上都像飛機跑道，雖然都是灣灣曲曲的山路，但開得慢 D 都頗安全，記緊要開大收音機幫助提神！開了5個鐘，終於到了 Auckland 機場附近，因為這次又沒有預訂 Motel, 又是旅遊季節，旅館到處都爆滿了，好采油站有個好心的店員開車帶路幫忙一起找，到了深夜終於找到一千零一間的Motel，而且 Receptionist  還是講廣東話的香港移民添！

紐西蘭 100% Pure 遊學之旅 (5) -- Auckland 編

         

由 Waitomo 上路由南至北大概 2 小時車程。由單線行車變成雙線行車，再變成 8 線來回, 終於來到Auckland , 紐西蘭中最大的商業和工業中心，特別之處，最主要是兩面環海，絕佳的避風港， 所以紐西蘭許多市民都擁有自己的船隻，而船與人的比例是全世界最高的城市。而且岩岩係兩年前歷史性的贏得美洲杯帆船大賽，從此之後便擁有帆船之都的美譽。今天會入住這裡其中一個具有代表性的地方，Sky City Tower，它位於Auckland 的市中心，係南半球最高的建築物，所以第一次楂車進入Auckland 就不費吹灰之力找到它了，Sky City 的娛樂設施非常齊全， 低層係五光十色的Casino，頂層係 360 度的旋轉餐廳，特色是由38mm 的安全玻璃所組成的地面， 你可以由上望下去有200m 高度。佳因三個月來都沒去餐廳吃飯，所以就“豪”一次，Book 佐呢間餐廳吃晚餐，同時可以從不同方向免費欣賞整個城市的美麗夜景。       

Auckland 夜生活不算多，除了酒吧就是看Table Dance，這裏看脫衣舞只收幾十蚊港幣入場費，裏面跳舞的女郎都非常專業，她們主要收入就是靠客人把紙幣塞入她們的各個“重要部位”但因為裏面看 show 的人大部份是內地同胞和學生，看的人多但打賞就欠奉。 

第二日早上我們先到了唐人街飲早茶，幾個月未食過港式點心，其實真係好掛住香港的野食！之後緊系要去試試坐帆船出海，我們參加了一個遊覽 Auckland  海港的帆船 tour，雖然帆船不大，總共只得4 個乘客但楂船的就有3 人，船長一開船就講到紐西蘭贏得美洲杯的威水史，然後逐一介紹泊在岸邊的比賽帆船。到了海中心就告訴我們如何把帆打開，嘩！原來船桅好危險，隨時會把人“打”落海，帆打開後速度馬上加快。一邊吹著海風，一邊欣賞 Auckland 四面海港的美景，Sky Tower, Auckland 大橋，一隻隻大小帆船佈滿其中。感覺非常寫意！最後船長更比我控制整隻帆船，在轉彎既時候成隻船完全傾斜，可想而知真正比賽時有幾刺激！

                   

黃昏的時候再楂車去 Mount Eden (One Tree Hill)，呢度係以前 Auckland 49 個火山口碩果僅存的遺跡。其餘的火山口已被移平填海，只剩低這個死火山讓人眺望整個城市，火山口已經成為草坪，風很大，但藍天白雲加海景加草香。紐西蘭的大城市比我們的郊外還清新的多。

紐西蘭 100% Pure 遊學之旅 (4) -- Waitomo 編

終於要說聲再見了Rotorua, 時間雖短, 卻滿載了數之不盡的美好回憶, Dream House, 開滿鮮花的花園, 清蔥的草地, 婆娑的樹影, 煙霧迷漫的地熱, 歡樂的笑聲, 熱情的款待, 美味的晚餐…………己成為我人生一段開心難望的片段, 難分難捨的情景再次出現, 道別了我的Home Stay Jenny & Tony, Home Mate Jaket & Ichoi, 依依不捨的感覺好快被期待而久的興奮心情取代而之. 因為我的好朋友Partner從香港，同我一起去發掘南北島。 就咁樣我地又踏上了另一段更精彩的旅程!

在紐西蘭楂車我相信係絕對適合, 安全, 方便, 同路線清晰, 最大的優點當然係可以按照自己的喜好用以最短的時間安排最好的行程. 所以我Partner已在Auckland Airport 租佐一架Nissan Pulsar 1.6, 由於租車公司不容許從北島楂車去南島(經汽車渡輪)的關係, 因此係北島只租佐五5日, 因為是上網找到的小公司, 平均每日連保險及Unlimited Milage 都只系HK$250左右, 足足平佐40%.

 第一站出發係晨光初露的零晨5點鐘楂車去Rotorua鄰近的景點Waitomo Cave, 車程大概一個多小時, 清晨的感覺, 空氣特別的清新, 令人為之一震,  煙霧籠罩住四周寧靜的小鎮, 更加撲朔迷離, 仿如置身仙境, 途中為佐節省時間, 路經了一個森林同湖泊, 係人煙稀疏的路旁, 不時有些小動物穿越馬路兩旁, 令人膽戰心驚. 車速不其然地減慢. 到了Waitomo Cave, 憑 YHA 證可以換取一個早餐， Muffin & Coffee.食完一個暖笠笠的早餐之後，就換一套潛水衣，水boot, 一個有燈的頭盔同大水泡。出發之前有個簡單的Briefing ，Warm Up 同 Demonstration，上了車後就出發去山上的洞口了。

   

Waitomo Cave是世界八大自然奇景之一， 主要是漆黑一片的洞穴裡布滿了千千萬萬的營火蟲(Glooming Worm)，而要睇到呢段奇景就要先拎住個大水泡走入只容許一個人穿過的洞口， 而當日的隊伍包括兩位導遊總共十個人，打開頭上的射燈一起沿著凹凸不平的路鑽入洞裡，經過三十分鐘後，見到一條地下河流，涉水而行，因為睇唔到水底的石頭， 所以路越來越難行，而且不時要爬高或跳到水裏，導遊已不段提醒我地陷阱所在，但我Partner一唔小心已扭傷左腳，雖然很危險，但心裏面卻覺得越來越刺激，不知走下去還有什麼驚險事情發生。其中有個地方導遊更須要我們把水泡放在身後，反身從高處跳到水裏面，哇！其他鬼老紛紛噗通噗通跳了過去，我是最後一個，噢！真囉命！

   

過了這關，水已經浸到腰部，要坐在水泡上才能飄浮前進，現在我們才開始了著名的 Black Water Rafting, 水流本來很慢，但過了幾個彎後就越來越急，而且地下水非常寒冷，感覺就像在黑夜漂流，沒有之前甘辛苦但速度加快了，比在水上樂園玩的不知刺激了多少倍，到了水流減慢的時候，導遊突然要我們關掉頭頂的燈然後趟在水泡上往上望，此時洞內完全漆黑, 申手不見五指, 過佐一陣, 眼睛慢慢看到洞頂有點點燐光， 就像身在太空中看著銀河星星在閃爍，營火越來越多，形狀好似一支支的吊燈，世界上境然有甘既奇景! 這裡既營火蟲和香港會飛的不一樣，其實呢種螢火蟲係當地一種昆蟲的幼蟲，因為係洞裡面有潮濕而寒冷的環境，而且位置非常曲折和深入, 蝙蝠和雀鳥無法進入, 沒有了天敵，剛好適合幼蟲的生長，才造就佐呢個世界八大奇景之一。最後我們隨著河水飄出洞外， 完成了三小時的壯舉。

紐西蘭 100％ Pure 遊學之旅 (3) -- Study 編

        重返校園的生活令我重拾返學做生無優無慮的感覺! 每日課程都在輕鬆愉快的氣氛下度過, 老師們也盡量以活動式的教材配合,令學生更加有興趣參與一些學校的活動! 最難望的當然係聖誕前夕的 “Christmas Play” 耶穌誕生的故事!而我竟然在過百位同學當中被選中去飾演一位主角 ---- 偉大慈愛的角色 “聖母瑪利亞” ! 嘩 ！ 好興奮好開心呀! 在演出前密鑼緊鼓的排練，令我們很有默契去掌握和配合每個角色既需要, 使正式的演出時贏得熱烈的掌聲和歡呼聲!

 

  

     在聖誕節那天， Jenny的女同孫女係澳洲專程返來慶祝, 享受天輪之樂, 我們也互相交還了聖誕禮物! 佢地係屋企搞佐個Christmas Party同小型的自助Buffet, 更邀請佐幾十位朋友一齊歡度聖誕. 有Ｄ來賓仲帶佐自製的甜品一齊分享.對於我來講當然好開心和難忘, 因為始終第一次係外國過聖誕, 體驗和感受到西方人濃郁和熱鬧的節日氣氛!

 

         學校的老師也有來自美國, 加拿大, 英國或紐西蘭, 佢地非常好客同熱心, 記得有位當地老師邀請我們到佢屋企玩, 參觀佢果度的Farm, 因為個Farm主要養羊和牛, 每日可生產有大量的新鮮羊奶, 當我企係個山頭上, 睇見佢用幾隻狗去驅趕數千隻羊時, 整個綠色草原被羊群掩蓋, 場面非常之莊觀和難得一見.我仲被Ｄ同學拉去飲新鮮羊奶, 新鮮的程度係直接企係隻羊的Pat Pat後面, 用手渣住羊乳, 將Ｄ奶直接 “擠” 入口中, 當時我見到羊Pat Pat 果度仲好多 “黃金”

, 其實真係好勉為其難咁行過去試, 不過唔試還好, 一試就大件事, 嘩 原來係羊身上直接飲Ｄ奶真係好暖, 好香, 好甜同好純, 仲一點騷味都無添, 好正呀! 係現今乜野都大量加入人工香料和防腐劑的社會來講, 飲到甘新鮮的味道和感覺真系好難得, Ｄ羊奶仲可以用來加入其他食品當中, 以加強食物的營養和味道。 老師間屋超過一百年的歷史, 但依然保持完整和古色古香. 我們係後花園裡用鮮奶喂羊ＢＢ, 同Ｄ朋友打排球, 當然仲有豐富的晚餐同一位識自彈自唱來自西班牙的靚子為我們高歌幾曲! 簡直系人生一大享受!

        學校每個星期六都有個Farewells Party歡送畢業生, 一首非常動聽扣人心弦的校歌, 令每個人臉上都有種難捨難分的感覺, 互相擁抱依依不舍的情景每次都令我好感動呀! 真系唔想下次Farewell 既主角系我哦……

 

         正所謂開心不知時日過, 時間飛逝, 三個月的留學生涯轉眼間就要結束, 真係好唔捨得呀……心中不其然有種失落的感覺, 在VISA還淨二個星期的時候我就在考慮究竟留下讀埋個Ｄ課程, 還是去紐西蘭其它未去過的地方遊覽見識??? 我問佐好多位同學的意見, 大部份都叫我不如去南島繼續體驗更Pure 既New Zealand , 或者會讓我從其他角度更了解這個國家! 就咁樣, 我就踏上了去征服南北島的旅程…………

除夕夜 Buffet

今年除夕夜係萬麗海景食Buffet, 果度最出名就是海鮮長腳蟹, 一去到第一時間急不及待試下, D蟹仲帶有咸海水味, 使味道可以保持得原汁原味, 但美中不足係隻蟹腳細佐小小, D肉唔夠多,冇果種啖啖肉的感覺. D Boston龍蝦, 壽司魚生都算新鮮! D 熟既野食同甜品就不過不失,(雪糕係Haagen-Dazs)  反而覺得D海鮮湯麵有些選擇, 除佐普通果D豬牛羊雞魚同菜之外, 仲有龍蝦, 象拔蚌, 而湯底也都有木瓜紅棗, 四川麻辣, D米線好彈牙添!至於價錢也都合理, 大除夕都係$358 加一, 整體來講都有75分架!

講開又講,同上年澳洲Marriott 酒店果餐Buffet比就遜色不少, 除佐價錢一樣, 其餘的海鮮品種真係多好多, 淨係食茄菲蟹都抵返晒(係外面D餐廳食要差不多成千蚊一斤)阿拉斯加長腳蟹, 老虎蝦, 澳洲大泥蟹, 青口, 帶子, D蠔雖小但好鮮甜, 唔鐘意蠔的我也忍不住一口氣食佐7隻咁多,  

有D食完都唔知係乜!不愧為真正的海鮮Buffet, 食過返尋味, 唸返都想再食多次!