平安夜

Silence night happy night………….平安夜, 去了油麻地一間Vegetarian Restaurant 食晚餐, 雖然不是咩大酒店, 但的野食同味道都唔錯! 其實香港人真是好幸福, 可以食到咁好味的素食, 感覺同食葷的味道一樣, 而且仲有好多款不同菜色選擇. 之後去佐尖沙咀睇燈飾, 成條街人頭湧湧, 每個人手上都拿住部相機不停的忙緊影相, 可能香港的經濟真是好佐好多, 見到每個人的臉上都有開心燦爛的笑容, 爭先恐後的企係聖誕樹同燈飾下影相, 坦白講尖沙咀的燈飾年年都差不多一樣, 冇乜特別之處, 可能香港實在太小, 去街湊熱鬧自燃成為節目之一, 唔到九點, 成條街己被封鎖晒, 人睇人, 人逼人,不過 D氣氛比往年真係好好多! 條路真係好長, 行到腳都軟 , 都係覺得係屋企舒服D

紐西蘭 100％ Pure 遊學之旅 (2) -- Rotorua 編

 

學生的生涯始終是簡單而樸素, 每天早餐鮮奶,Toast, 同四五種不同的果Jam, 方便快捷. Lunch大多數係公仔麵加生果或帶一些自備飯盒, 晚餐是一天之中最開心的時刻, WHY ??? Jenny的廚藝實在Ichiban, 她可以用Oven連續兩個星期煮出不同的菜式, 水準簡直可比美於香港的意大利餐廳, 一個簡單的Potato Smash (薯蓉) 加奶加黑胡椒已經不同凡響, 每次都有衝動問她拿每道菜的Recipe . 之後想在香港大顯身手煮D正宗的西餐.  我們一台五個人一邊品嚐美味晚餐,一邊暢所欲言, 時而開懷大笑, 在一個非常融洽的氣氛和舒适的環境之下, 就像一家人一樣無分彼此, 溫馨快樂. I enjoy it so much! 晚餐後, 我同Home mate一起去附近散步, 每次走在馬路上, 經過路邊兩旁的House院子裡開滿鮮花和掛滿果實的大樹, 但唔知點解, 可能是房子太大, 真是好難見到屋裡的主人和聽到屋裡發出的任何聲音,就好像是一間丟棄了的房子般出奇的寧靜, 連馬路上來往的車輛也少之又少.好像一幅幅油畫呈現在你眼前, 令人遠離煩擾! 心靈平靜! 原來人可以活得如此簡單而快樂, 平凡而充實! 我想這也許是許多人夢想的退休生活方式吧! 在香港雖然擁有豐富的物質生活, 吃喝玩樂, 但沉重生活的壓力令人筋疲力竭, 找個喘息的機會來放鬆自己只有打麻將, 唱K, Massage 等!  要享受這份世外桃源的寧靜和找到一些做人的目標! 恐怕就要離開香港, 找個自己最想去的地方HEA, 放鬆和平衡自己………….

 

學校裡的學生不多, 大多數來自日本, 韓國, 中國, 泰國, 更有一些歐洲, 南美洲和鄰近地區的人, 像Basil & Caledonia等. 更有些來自日本的同學是因為退休後, 才有機會選擇喜歡地方完成遊學的心願. 正所謂先知先覺, 後知後覺, 學無止境, 做到老學到老是我們終生學習的積極態度.

雖然每班的學生來自五湖四海, 但我們很快就打成一片, 互相交流, 建立了良好的關係. 我們每天返學的交通工具主要是踩單車, 乘Bus, 或由Home Stay 接送. 記得我到Rotoura的第一個星期六同Jakie去Town Shopping, 因沒有任何的交通工具, 要步行來回用了五個多小時才回到家裡, 哈哈哈! 這個教訓令我體驗到在外國冇車就等於沒有腳一樣寸步難行, 想去邊都唔得, 所以返到香港當然是第一時間就考車牌啦哈哈哈!

 

學校每到周未就會有戶外活動, 而Rotorua 的景點也非常之多, 有90%地熱的 Thermo area到處都充滿了硫磺味, 煙霧瀰漫!  Museum, Rainbow Farm , Whakarewarewe, 數之不盡………

       

Lake Taupo 是非常出名的景點, 也是Bungee Jump的發源地, 要從二十多層高的平台跳下去直插水中我相信需要很大的勇气, 甚至覺得是一種被虐待的心態! 心中有幾秒鐘的衝動, 但卻被理智戰勝了…心態未Ready, Next Time! 而我去得最多次的一個地方就是Rotorua Lake, 每次放學後都會同D同學來到這裡, 坐在草地上一邊欣賞湖光山色, 一邊交談, 最開心的是有一群群的黑天鵝在湖中向你遊過來, 好似識聽你講野, 不斷搖頭擺尾!

 

紐西蘭 100％ Pure 遊學之旅 (1) -- Preparation 編

New Zealand The Most Beautiful Mother Nature In This World !

去外國遊學讀書係我由小到大的心願，三年前（2002年 11月），終於如願以償，把握佐呢個千載難逢的機會，去紐西蘭的北島羅托魯瓦（Rotorua）遊學了三個月。時間雖短，卻給我的人生留下一個難能可貴的保貴經驗和美好回憶！

其實要確定在出來社會工作這麼久之後放棄一切，去完成心願，一定要有很大的推動力和決心。 在网上其實已經了解到一些短期的英語遊學課程， 世界各地都有，但價錢就相差非常遠，就在2002年的十月份， 自己鼓起勇气跑到學聯旅遊查詢，英語國家當中，澳洲和紐西蘭剛好是夏天， 由於我怕凍，澳洲也在98年的時後去過， 紐西蘭就成為我首選的目的地，當然紐西蘭被認定為世界上最美麗的國家，能夠在那裏完成我心中的夢想，自然難以抗拒。北島羅托魯瓦（Rotorua）我從來沒聽過, 她比奧克蘭(Auckland) 和基督城 (Christchurch) , 更 “RAW”更神秘 , 我最後選擇了她…. 搞學遊除了定目的地以外, Home stay , 機票和簽證都要好好安排, 最後我確定先去3個月, 簽證可以，機票買了張新西蘭航空一年票，成9000蚊（近聖誕和新年），好肉痛，學費和 Homestay（系點環境都未知）要8000蚊一個月。噢最平既啦！

紐西蘭由南北島組成，人口大概400萬，係世界上人口密度分佈最低的國家。羅托魯瓦是紐西蘭北島最受歡迎的旅遊度假勝地。城市周圍有許多美麗的湖泊和森林，而最為著名的是熱礦泉浴池。

 

 

 

Rotorua English Language Academy該校學生來自世界各地，但主要來自亞洲及歐洲。學校位於Rotorua湖東岸，風景秀麗，距離Rotorua市中心只有10分鐘車程。而我就住係當地的Home Stay真真正正的體驗了所謂外國人的生活模式。記得到Auckland機場果日，心情非常的緊張和興奮，就連張入境表都填漏左。出了關口不停的搜索學校的接待人，見到Rotorua招牌仔，好開心咁走上去簽名報導，已經有二個日本靚女係到等佐好耐，閒談中知道她們只有二個星期的 時間逗留係到，嘩！好勇亞！絕對唔放過任何機會。從機場到Rotorua大概400公里，車程4小時，但由於當時的交通大塞車，到達Home Stay 時已差不多係晚上九點鍾。當架車駛入Rotorua時 (Thermal Area) 己聞到好大的硫磺味。 Jenny & Tonny一對非常熱情好客的夫婦已企係門口迎接我！當我踏入門口第一眼睇到呢間大屋時已按捺不住興奮的心情！嘩！好靚亞！My Dream House！四房一廳包括平台，花園及車房大概4000呎，小橋流水，成間屋被茂盛的樹木和鮮花包圍住，一陣陣清香的草叢樹木味道扑鼻而入！果然係100% Pure New Zealand ! 同屋的兩個Home Mate 福建人－Jackie, 日本人－Chiho,好快的打成一片，成為好友。

第二日早上Jenny楂車送我返學校，做左個水平評核試, 根據成績分配不同的班級。在場有來自不同國籍的學生，我隔離坐住兩個50幾歲的日本中年女士，非常有信心的應付考試，最後我被安排為Upper Intermediate I ( Level), 開始佐我學習的旅程。

 

長灘島Boracay

長灘島(Boracay) 曾經被評為世界最美麗的海灘, 而我最深刻的印象不過係我在那裡考到個高級潛水牌(Advice Diver). 費用只不過系講緊HK＄1300（包括Gear,出海費用）超級平靚正！長灘島度集中了熱帶海島所有獨特迷人的景色──蔚藍的天空﹑白色的沙灘﹑婆娑的棕櫚樹﹑色彩鮮艷的熱帶植物以及斑斕的海底世界。長灘島簡直就是一個天堂。很多遊客一次又一次地來這裡度假﹐有的甚至長住不走。

  

系眾多的Diving Shop中我選了其中一間叫Aquarius Diving Shop, Instructor 叫 Chris 來自奧地利，五年前被這裡迷人的海灘所吸引，一住就係五年，仲做埋Local Guide 添！要為自己的理想而要放棄自己的家園，朋友。隻身來到世界的另一面而要生存響一個陌生的環境，真系需要好大的勇气和動力！或者這就系性格影響命運的說法吧！

  

十月的長灘島並唔系旅遊的旺季，所以整個島的旅客也不多，兩日的時間已順利PASS 佐潛水課程。包括夜潛，深潛，沉船潛，Navigation and Photos 等。Visibility大概況20多米，一群群魚兒係你左右包圍，D珊瑚好靚。完成了課程，Chris介紹我去佐一個有牌先去得的潛點，叫Maniguin Island，3個多小時的船程，天氣還算穩定， 同行的Diver 有三個韓國人，也都係岩岩考佐潛水牌，他們的Diver Master 係一個韓國的靚女，仲幫我們準備好一個豐富午餐Lunch添。 隻船雖不太大但船身都有兩層樓咁高，第一個Dive當我翻身下潛時因船身的高度令到沖力大到連Mask都飛佐出去，好彩其它的裝備都安然無恙，落到海底第一次見到深海的懸崖峭壁，個心卜卜卜咁跳，鼓起勇氣沖向深淵，係懸崖邊保持一個好的中性浮量，左面係長滿各色各樣的珊瑚的峭壁，右面望落係無底深淵，原來發覺海底的世界和陸面一樣，都係因為地殼的分裂形成不同的海床，有較大的深淺之分，像有喜瑪拉雅山高度一樣，世界上最深的海底係菲律賓的東面海域深達6000多米，被水掩沒後就變成深不可測的海洋啦！當然我這次的潛點只有的600多米，好多好靚的珊瑚也大多數在較淺水的地方可以欣賞到。雖然見唔到大魚，但一片珊瑚捕食的情景出現在我眼前， 唔同顏色的小丑魚係珊瑚中不停的左右穿梭。第二Dive 一落到水就被左面美麗珊瑚吸引住，D水好清，好似大型水族館，可惜就見唔到鯊魚，只見到一些大的吞拿魚。而同行的韓國人卻見到七條野生海豚。令我的Master發晒牢騷咁話自己潛水十几年都見唔到一條野生海豚，而他們一見就七條咁多！哈哈哈！究竟係緣份定係天意呢？？水上活動除了潛水，還有Sailing, 獨木舟、騎馬，爬山，野外運動等等！

  

島上4公里的細白沙灘布滿了世界各地美食餐廳，韓國，日本，墨西哥，意大利，同Local Seafood, 每日都可以試不同的餐廳，每次都有唔同的驚喜。而我最鍾那裡的韓國餐廳，D前菜可以無限次Refill, 仲好好食添，食佐成台食物，都唔使港幣一百蚊！

  

最後果日Book 佐島裡面唯一一間 Mandala Spa, 無論價錢，環境，手勢同Music都一流， 每間獨立的Hut係樹蔭下都令客人額外的輕鬆舒服，享有自己的Privacy，盡情享受每一刻。相隔4年，今日的 Mandala 已擁有自己的Resorts, 更加完善的設施, 去長灘島度假更係揀佢喇！

布吉潛樂之旅

2005 年6月份, 岩岩系發生Tsunami(海嘯)之後的第六個月, 我剛剛係呢個災情慘重之後的旅遊淡季, 去佐布吉六日遊, HKàBangkokàPhuketàBangkokàHK. 肯亞航空公司和+Air Asia(Domestic Flight). 係Phuket我住係Laguna Phuket連鎖酒店的其中一間五星級Dusit Resort, 呢間Resort 裡面的設施非常齊全和環境非常優美寧靜,我住係近沙灘的Ocean View Room, 因為Tsunami後, 有幾間被摧毀的餐廳還在沙灘上等待重建修復, 海浪不斷的拍打緊有臨時防波提的海灘,令我不其然地想起係電視一幕慕驚心動魄的海嘯情景,毛骨悚然! 出發之前, 己有好多朋友不停的講緊, 嘩! 果度DXX好猛牙, 你唔驚呀?? 其實Tsunami之後的第二個月, D朋友己話有免費來回機票去布吉, 不過問極都無人夠膽去, 唉!唔使錢都無人要! 但呢次我所見的布吉其實已經還原淂七七八八, 見到好多好多只鬼係條街同酒吧到消遣, 不愧為世界級旅遊聖地.

  

由於六月的布吉唔係最適合的潛水季節, 有好多附近的潛水點都封晒, 只好去內海裡的Shark Point 嘗試下睇豹紋鯊. 當日天氣初初還算穩定, 但當船駛到海中心時,海面的浪越來越高, 已經有人不斷咁嘔吐, 隻船不停的搖擺, 幾乎企唔穩, 我慶幸一早已經SET好樽坐係到等候, 可惜我唔記得帶手套, 當我下潛時同海浪搏鬥被繩索D貝殼割傷手, 搞到傷痕累累.不過最開心的係第一眼就望見豹紋鯊係腳底下面, 它好似知道你要影它咁, 近距離的拍攝都定係到唔動, 任由我從不同的角度影它, 好正呀! 水底溫度得22℃度左右, 因為只著件短Wetsuit , 感覺都幾凍下 , Visibility(能見度)好低5M, 峭壁上的珊瑚好靚, D海扇好大, 仲見到海鰻, 海馬 ……………

   

其實布吉最正的潛水點係位於西北面的Similan, , 果度D玻璃水,同海底生態已被評選為世界十大潛點. 不過12月至4月先係潛水季節.

 

Next Day 租佐架Honda Jazz去Karbi ,路線從布吉à攀牙灣à石灰岩àKarbi , 係Railway Beach 度食佐香蕉Pancake同燒魚. 回程時見到路邊果欄, 買佐好多不同的生果食, 途中突然下起大雨, 返到酒店時已經天黑, 係Laguna Phuket 中另一間非常出名的Spa Centre Banyan Tree(曾經被譽為世界最佳度假酒店) Massage , 無論環境同手法都係一個字正!! 當然價錢仲 “正” 添!

 

其實Laguna Phuket 裏面有五間不同的酒店Resorts 包括 Banyan Tree Phuket, Sheraton Grande Laguna Phuket,  Dusit Laguna Resort, Laguna Beach Resort , Allamanda Laguna Phuket. 環境清幽, 自成一國, 凡入住其中一間酒店就可以玩晒呢五間Resorts 裡面所有的facilities .

 

如果想食得好D的話, 近芭東十分鐘路程, 有間叫Baan Rim Pa的無敵海景餐廳, 環境非常之浪漫, 仲可以一邊品嚐美味的食物之餘一邊欣賞日落,  好正呀! 招牌菜係黑椒汁虎蝦, 咖哩蟹, 泰式炒貴刁, 甜品芒果糯米真係好好味! 想平D就可以去芭東海邊D餐廳食海鮮, 一隻生蠔HK$8, 撈茄汁, 秘製的香蒜頭, 辣椒汁, 新鮮檸檬草一起變得非常若味! 蕃茄煎倉魚, 煲仔翅…. 最後果日, 緊係返Bangkok Shopping同食好野喇!

Palau 帛琉

      

  

Palau (帛琉) 係每個潛水員夢想的天堂, 當看到無數的雜誌報章和電視都在不停介紹她時候, 令人每次都有沖動想去再潛多幾次水, 她除了海底有不同類型的洞穴潛(Cave Dive), 斷層潛(Drop Off Dive), Drift Dive 鐘乳石洞潛等等, 連海上的風光都係一樣咁美若天仙.當中以洛克群島最為出名(以三百四十多個島嶼組成), 各有各的特色, 當你坐在快艇上穿梭過拱形橋, 就見到很美的軟珊瑚花園和水底一片美麗的珊瑚係你眼前, 清澈到底, 感受到真正的海天一色!  甚至有時會見到一些魔鬼魚(Manta Ray) 係水面擦身而過, 令你目不暇給! 而島內更有世界獨一無二的無毒水母, 水母湖(Jelly Fish Lake)中的水母由於多年被困在山中湖沒有天敵而失去防衛能力, 才能有機會和它接觸到!

  

帛琉每個潛點的特色都給你留下深刻印象, 其中Germen Channel, Blue Hole, Big Drop Off, Siaes Tunnel, Chandelier Cave, Blue Corner, Ngemelis Coral Garden, Turtel Cave等等! 而Neco Marine就係這次我地所選的Dive Shop, 其中一對日本夫婦 叫 Aki Ogawa 和 Miwa Ogawa, 全程都由他們Guide 我們所有的潛點, 記得有次系Siaes Tunnel 由於太大流, 無法下潛, 試佐好多次都被流沖番水面, 連個Mask都差的跌出來, 都唔知顧得邊樣先, 但見到水底的珊瑚真係好靚, 唔肯放棄, 一直係水中掙扎, 這時Miwa 握住我的手將我帶到珊瑚邊叫我扶助一路攀下去, 才能順利進入另一個斷層, D水好清, 被五彩繽紛的珊瑚包圍住, 仲靚過水族館! 真係好感動!可以走入海底的另一世界! 係洞裡面突然見到幾條鯊魚, 我立即追上去, 但可惜驚動佐它們, 好快就遊走啦 !

  

而另一次系Chandelier Cave 潛水, 由於它係水晶燈洞穴潛, 要從一個洞穴的底層穿越另一個洞穴, 才能觀賞洞穴裡面的鐘乳石情景, 當時視線一片漆黑, 根本睇唔到周圍的環境, 心理忐忑不安, 所以為有又一次握住她的手穿越底層, 好刺激呀!哈哈哈!

 

 

除了潛水之外, 水上活動仲去佐Jelly Fish Lake, 係水母湖中暢遊. 係Rock Island玩獨木舟, Snorkeling 睇 Giant Clam ! 仲見到條好似人咁大的蘇眉係身邊游來游去! 最特別是這裏有得玩Dolphin Encounter, 是日本人建立的海豚保護中心, 可以和海豚一起暢泳, 經驗真系好難得架!

  

Palau 陸地上的面積好小, 有好多地方仲沒開發, 所以租了架車一日內就玩晒的景點.

附近的餐廳也都有些選擇, 日本餐廳, 台灣餐廳, 意大利餐廳, 中餐廳等等!

 

其實呢次最失望的係去唔到Blue Hole, 事關台風橫流影響了水流, 令我地去唔到又見唔到D好想見的海洋生物, 不久的將來我一定會重遊此地, 實現我的夢想! Palau 等我呀 !

Sipadan 詩巴丹

Sipadan (詩巴丹) 世界級潛水聖地, 喜歡潛水的朋友;來到一定唔會令你失望. 它係一個菌菇形狀的海洋小島, 由於珊瑚焦在原來的海底睡火山上生長,經過多年後而露出水面600米.獨特的地理位置使她具有极度丰富的海底資源, 水深1200公尺, 超過3000多種不同的魚類和數百種美麗的珊瑚使無數潛水愛好者流連忘返.

記得去詩吧丹那年(2005 四月), 住係Sipadan Water Village , 回歸大自然, 冇電視, 冇冷氣, 冇 酒吧, 晚上坐在露台上觀賞月亮同星星, 唔知點解, 個時覺得天上的月亮特別大和特別光, 有種難得的親切感! 島上除了潛水之外, 可以做的就係食飯同睡覺啦,雖然如此, 但係仍然唔會覺得悶呀,因為水底太吸引了, 每次都有唔同的海底生物可以見到, 成張餐台咁大的龜隨處可見, 有時一次就有十几只龜係你身邊遊過, 咁近距離的接觸真係好興奮! 旋風式梭魚, Jack Fish (Video: http://www.youtube.com/watch?v=QG5Go0nCt9E), White Tip Shark, 小丑魚…………    一些鬼老一住就係個几月, 每日都同你分享他的心得, 所見所聞, 輕鬆自在的享受每一天……….