情人節的晚餐

為了慶祝一年一度的情人節, 好多情侶都花儘心思, 各出其法過一個甜蜜而難忘的情人節,雖然有好多人都話, 如果情人對你好, 天天都可以過情人節, 唔使等果日先來慶祝啦! 更加有人話, 唉! 無情人仲好添,淨洗煩一日, 但 一年364 日都唔使煩, 有情人就煩足一年364日,淨洗情人節果日先唔使煩 ! 其事呢的D主觀性的說話贊唔贊同真係似乎你個人觀點與角度! 每個人對開心的定義同看法都好唔同, 收到花固然開心但總覺得幾日之後D花始終都會枯萎而被遺棄, 非常之唔環保. 為佐節然, 好多人寧願要CASH 或買D實際的東西, 話到尾都係用你自己最舒服開心的方式過情人節就得了, 那怕只是一個信息, 一束花,一個自備的晚餐, 一張情人卡或一個自制的蛋糕……..都代表佐你的心意, 其實要求低的，計較少的，人可能就是最過得開心!  以平常心去面對每樣的事與物就可以避免一些情緒所帶來的困擾.

講開有講， 呢個情人節就用佐4 個多小時去品嚐一個令人難望的法國私房菜。講求效率的香港人做每件事都習慣匆匆忙忙， 連食飯睡覺或行路都要爭取時間，而要用成晚的時間去食一餐飯睇怕唔係人人都願意！但唸返轉頭，就當自己去到法國 係一簡浪漫的餐廳同班親朋好友一邊暢所欲言一邊品嚐美味佳餚， 也不失為一個新嘗試。成個晚餐總共有八道菜， 1 凍蝦，田螺    2 芝士沙律  3香煎鵝肝   4 酥皮焗帶子  5開胃菜   6 龍蝦湯    7 法國黑松露燴雞  8 雪糕蘋果批或心型朱古力蛋糕

其實餐廳係粉嶺間村屋裡，環境清幽，自成 一國， 可以係花園或屋裡用餐。 基本上每道菜需要半小時。 你可以用心慢慢品嚐每到菜的特色。 D菜水準唔錯，可以比美於高級大酒店， 因為老闆（COUPLES）係法國住佐20幾年，返來之後就經營了這間法國餐廳，由於它重質不重量， 令客人可以體驗法國的飲食文化，好快地已擁有大幫Fans.  我唸係假期前夕都不失為一個好的選擇。

人為什麼應該素食

通常一提到素食就會聯想到佛教, 或者是營養的問題, 以為食素的人一定身體營養不足.在科學昌明的國家裏, 提倡素食已成為風氣, 有許多關於素食的書籍和文章也如實的記載和報導了許多素食的好處和原因, 令人改變一些根深柢固的傳統和錯誤的觀念.而究竟人類對瞭解營養的知識知多少? 每當我和身邊的朋友談及這個問題的時候, 大多數的反應都是問你是否基於宗教的理由? 食素?? 邊夠營養呀 ? 好快肚餓冇力氣啵?? 當初我也被這幾問題困擾了好一段時間, 心想難道就這樣放棄了這個念頭? 但本能的好奇心驅使我繼續尋找這個真正的答案! 用心地係在網上睇有關素食的文章和閱讀圖書館的書籍(大概5-6本書), 從而明白到素食本身的意義和理由, 雖然係到不能盡數所有的各項理由,但我會更加有信心去堅持同慢慢改變以往的飲食習慣.  

現今的香港越來越多的素食餐廳成行成市, 許多人只是一窩峰咁去嘗試新穎的菜式, 先至知道 原來素菜同樣可以有很多花款和選擇, D老闆為了迎合不同人的需要, 費盡心思, 將一些平平無奇的蔬菜瓜果使之買相同味道變得同葷一樣吸引客人, 甚至有時分不出究竟係齋或是葷, 所謂齋口唔齋心, 這樣才令人有興趣在次幫趁這些素食餐廳, 而價錢同真正的葷比較似乎仲有過之而無不及添! 一些所為的煎炸食物,齋豬扒, 齋雞扒, 齋魚蝦蟹令人感覺更油膩, 難道這就是健康的飲食習慣?? 其實要真正的改變唔健康的飲食習慣係現今的社會的確是一件很難的事情, 我唸好少人可以一日三餐都係屋企煮食, 而所煮食物大多數都是豬牛羊或是海鮮, 甚至有些人唔喜歡蔬菜水果之類的食物, 而其實這些五穀雜糧, 豆類, 蔬菜同水果才提供到真正的營養給予人類. 點解???? 不如講下點解人類的疾病越來越年輕化, 不少人喜歡進食快餐食物如火腿, 腸仔, 煎炸扒類食物和唔干淨的海鮮, 而令人患病的機會越來越多, 腸癌, 心臟病, 糖尿病等等頭號殺手也都逐漸平民化了, 要避免這疾病侵蝕首先要了解何謂的健康飲食, 記得係十年前的一個健康講座上, 有位非常出名的營養師分析所為的健康, 身體最基本運作的是要食得, 訓得, 玩得, 同去的(簡稱出入口正常), 聽起來似乎很簡單但試問身邊每個朋有, 大多數身體都有些毛病出現, 最常見的是頭痛, 失眠, 很容易疲累, 腸胃不好, 便秘等等, 所以很多健康食品也相應人的需求越來越流行, 依賴慣了這些健康食品反而並不是最好的選擇, 不然從基本的飲食習慣和加強運動為主才是永久的最佳選擇!

言歸正傳, 想食的健康而有營養並非簡單, 首先要知道為什麼要這樣做, 什麼才是最好的配搭使自己食的來簡單而充足兼平衡身體所有的營養要素.其實人類所需要的基本四大元素為蛋白質20%, 碳水化合物60%, 脂肪20%及 纖維等. 只要我們食用的種類多樣化, 就能獲得足夠的營養, 基本上如每天可以進食四種不同顏色的食物, 那麼我們每天都有合理的均衡營養了.

白色--à 供應熱能: 米, 麥等殼類芋頭, 糖, 植物油等.

黃色--à 供蛋白質: 大豆為主, 其它豆類, 花生等.

綠色--à 供維他命與礦物質:綠色熟菜與水果.

紅色--à 供維他命與礦物質: 紅蘿蔔,紅色蔬菜及水果等.

所有的營養來自土地,日光, 空氣和水份, 尤其陽光照在植物上, 由於光何作用產生的營養成份最多, 土地中的營養更是被植物直接吸收.素食者是直接接受營養, 肉食者是間接接受營養. 所有動物的營養都是食植物而來, 並非自己本身制造蛋白質同其它的營養.世界上四種最強大的動物都是食素的. 馬, 駱駝, 牛, 象等. 也是最好的例子.

 

那麼人為什麼應該素食？

1 基於人類本能理由 2 基於消化系統理由 3 基於營養理由 4 基於衛生理由

5  基於慈悲理由等等。

所有的抗氧化食物也來自蔬菜水果同植物. 肉類並沒有任何的維他命, 碳水化合物和纖維等. 又肉類中積原有之廢料, 及各種動物之疾病而來的毒素. 與屠宰後所起之腐化作用.久之就令身體引起一連串的併發症和疾病. 食素就等於換血, 會令人有健康的血液, 使細胞不受毒素污染，保持身體基本的機能和頭腦清析.

太多的好處(超過三百多個理由)不能一一詳細盡數, 歸根究底, 健康是食出來的. 信不信由你啦!

 

紐西蘭 100% Pure 遊學之旅 (8) -- Queenstown 編

從 Mt. Cook 去 Queenstown，中間經過很多峽谷和丘陵，這裏會經過非常直的高速平路，大片彎堯過狹谷的飄移彎路， 成 S 字型的左右上落彎，還有下山的連環18個髮夾彎（近 Arrow Town），肯定勁過澳門大賽車，沿途車唔少但紐西蘭人渣車都好守規矩， 當然很多路都是單線行車，遇到慢車就要看準時機爬頭，遇到對面有車黎或者彎路和高低路就要非常小心，因為大家都開到成百幾咪家嘛！但系中意渣車既人肯定會非常過癮。到 Queenstown 前，我們會先堯路經過 Wanaka, 這裏是一個非常安靜的小鎮，黎到呢度已經系下晝成4點幾，出名既汽車和飛機博物管已經關門，但路邊既Wanaka 迷宮好彩仍然未刪，裏面仲有一D玩錯覺藝術的東西，好似去廁所和拖托大石等。我地冇乜時間玩太耐就馬上要開車走了，一路上都是森林和山區，其中一段路更迷路了，好在紐西蘭路牌和地圖都頗清晰，好快就到佐一個懸崖，望落山下就系 Queenstown 了。我地開車落山要經過去18個發髮夾彎，落到一半已經頭暈了，停落黎休息一陣先可以頂埋果段路！

下山後車和屋都多了，到了市中心先發現幾熱鬧，但天黑了，馬上搵到之前訂既湖邊酒店Rydges。酒店向正 Lake Wakatipu 湖但好貴，成 NZD250晚。渣車辛苦了幾日，在 Queenstown 打算住兩晚休息，今天原來是年三十晚，但這裏冇咩中國人，中國菜又唔多，最後去佐泰國餐廳醫肚，可能離開 Auckland 後好多日都食三文治同麵包，有白飯和亞洲菜就特別好味。第二日我們正在討論去唔去晚Bungee Jump。最後都冇膽試，而系座佐隻成百歲既蒸氣船去 Walter Peak Farm 騎馬，我地騎馬技術嘛嘛，都系農場的人幫我們帶著我們上山，這農場養了很多馬，羊，牛和鹿，以前是賣的，現在就讓人觀光。

 

 

下午回到市鎮後到處走走，去到吊車站就上去山頂看看，吊車慢慢升起，整個Queenstown 就活現眼前。Queenstown 是 Lake Wakatipu 兩個湖交接的湖邊城市，兩邊是高山，在陸地突出到湖中的一片地方是公園，由觀境台上向下望特別有氣勢，而且觀景台下面有人跳 Bungee jump，旁邊有人玩滑翔傘，遠處又有高速快艇，所以這裏被喻為是戶外刺激活動的發源地！在吊車站旁邊有一個 Kiwi 博物館，養了一些 Kiwi（與奇異果同名），Kiwi 是好細小既走地鳥類，只有手掌般大，因為外來動物及人類干擾，已經越來越貧危了，以前只在鞋油或清潔用品知道這個大名，現在才真正見識到這種紐西蘭的國家代表，紐西蘭白種人也喜歡用 Kiwi 來稱呼自己，土著就稱為 Maori（毛里人）。

 

 

Queenstown市區有很多 Book Day Trip 既旅遊代理，真係你想得出幾激既玩意都有得玩，有 D 係將個人綁響個波裏面由山頂碌落去，有 D 係就將個人放係個吊車上用風扇在山邊吹來吹去，鬼甘癲！爬山用品就到處都係，呢度有銷售稅，買野當然比香港貴。其他買野既他方主要賣既係羊毛製品，頸巾毛衣底衫乜都有，但款式就幾老套，而且一般頸巾都要港幣三四百蚊。羊脂膏和護膚品亦唔平，我響 Rotorua 已經買了條頸巾，呢個旅遊區就買唔落手

 

 

今天是大年初一，食乜野好？最後搵到一間日本料理豪一餐，我地叫了一個套餐，因為唔識日文和英文意思，裏面黎佐有一道菜是生肉片，waitress 一直冇拎火鍋和鐵板架撐過黎就知道不是 sabu sabu 或鐵板燒，最後問他們才知道原來是馬肉 Sashimi! 由於早上才騎馬上山，見到呢碟野就噁心和傷心（唔會係頭先隻馬哇下）！雖然這裏是紐西蘭，D 馬肉應該好新鮮同好貴！但我最後全部比晒我 Partner 食，在大年初一估唔到差 D 要食生馬肉！

 

 

 

第三日早上 check out 以後先向 Arrow Town（箭城）進發，呢度以前因為百幾年前曾經發現金礦而發展起來，依家當然就挖晒啦，但都仲可以 join  團去淘金，我地黎呢度只系想睇睇以前既建築物，仲響其中一條舊街的小店裏嘆佐個正早餐添！

紐西蘭 100% Pure 遊學之旅 (7) -- Mt. Cook 編

    離開了北島， 我們繼續向南島進發， 上次講過， 由於租車公司唔比顧客開車乘渡輪橫渡南北兩島，因此由北到南最好方法還是搭飛機， 我們早在網上買了紐西蘭航空機票飛去南島最大城市Christchurch. 價錢只是 NZD100，但卻要在首都 Wellington 轉機。在 飛到 Wellington 時看到下面首都大部分是一座座的紅色 House, 真想像不到這就是一國之都。轉了飛機，開始進入南島，忽然在右手邊的雲層中看到一片連綿不斷的山脈，而山頂上都鋪滿了藹藹白雪，這就是南阿爾卑斯山！不錯，這是夏天，但南阿爾卑斯山頂終年積雪，北半球瑞士的風景在南半球的紐西蘭會更漂亮和更原始。

 

降落到 Christchurch 後，由於今晚要到南阿爾卑斯山的 Mt Cook 裏過夜，我們馬上領取了租的車就起行，這次租既系 Toyota Corolla, 5年前款，比之前的 Pulsar 小但引擎就就暢順得多。在附近的花園露天餐廳吃了Sandwich ，補充了水和小食，馬上展開進入“Lord of the Ring” 的國度。

  

   南島馬路比北島更簡單，只要認得號碼，基本上是不會迷路的，我們離開了Christchurch 往南走，車越來越少，我們在南北 1 號公路行了 2 個多小時就要向右轉入山區，這時路上基本上是空空的，我們就越開越快，因為路很直，最快竟然開到160km! 車身開始震先知到了極速(千萬不要學，其實好危險架！)。

 

 

  前面的山景越來越漂亮，天藍，草綠加片片白雲，標準風景畫一樣，再開1小時左右，前面忽然出現一個“奶藍色”的湖，湖水藍得好“假”，再配上後面遠處鋪了雪的阿爾卑斯山，噢！這是童話仙境嗎？簡直就像夢中一樣夢寐以求的意境，這個地方叫 Tekapo 湖，由於水裏有礦物質，湖水藍色加白色就好似水彩顏色一樣，我們看不到有沒有魚在水裏但有不少鴨仔卻係水面游來遊去呢！據聞梁詠琪拍 FANCL 廣告時，特意用四天時間從香港飛到 Lake Tekapo 取景（響湖邊轉來轉去個輯），你唸一下就知道這裏有幾靚。湖旁邊還有一個小教堂，仲可以係到舉行婚禮添！

 

 

 

    再繼續向前走，我們向著雪山進發，車越來越少，山上的白雪越覺得清晰，溫度也越來越低，我們右邊是另一個奶藍色的湖 Lake Pukai，旁邊都是聖誕樹（松樹）。 很快就到了雪山腳下的 Mount Cook，好宏偉哦！ 其實 Mount Cook 只是一個旅遊補給站，並不是市鎮，這裡只有三四間旅館，當然都很貴的了， 由於早知會無房住所以在網上book 了獨立雙人房的 YHA，雖然無獨立洗手間，但NZD60 在雪山區找到乾淨的雙人房簡直超值！這 YHA 全是木製，被附近四面的雪山所包圍住， 有許多 Backpacker 住係到留宿一宵享受這寧靜的一刻，晚上 book 了第二日去冰河 rafting。

 

 

 

    早上起來空氣特別清新，但由於風太大，rafting 取消了，我們只好到附近的登山博物管及唯一的酒店飲 Coffee，由於天氣好好，我地在山下也能清楚看到雪山上有一個個黑點的人在爬雪山。博物館也記載了這麼多年來一去不返的登山者資料，真慨歎人類有這麼大的勇氣去征服大自然。稍後看著地圖，開車到最近的冰河去看風景，沿途都是碎石路（後來先知呢 D 路保險系唔 Cover的）去到目的地後走到山崗上向下面看，原來因為天氣變暖，冰河已經退到遠處，我們無緣摸下萬年冰川呢。其實還有直升機飛到 Mt. Cook 山頂及冰河上，但 30 分鐘的價錢就盛惠 NZD390（HK$1,500）一位，比北島飛過來貴重4倍，最後當然冇甘“豪”啦。冇上雪山，在山下影相都系一幅幅 Calendar 風景畫。  

 

 

   我們又以高速（160km, 唔好學）離開 Mt. Cook 出發去食三文魚!我們從 Tekapo 黎 Mt. Cook 時本來就專登要走小路去這裏的三文魚魚場，但因為5點已經刪門，所以唯有今日在回頭去食，這三文魚場是在旁邊挖出一條小河並引水過來養魚的。在這個雪山下的小河邊旁食魚生真系好特別。我都唔記得幾錢，但總之唔貴而且是一等一新鮮，Yummy! 我們夠鐘出發去下一站 Queenstown了，從魚場返回 highway 的路有幾個水壩，再走一段路就在 Lake Pukai 邊睇到遠處 Mt. Cook 的倒影。噢，好鬼靚哦！

 

紐西蘭 100% Pure 遊學之旅 (6) -- Bay of Islands 編

   大多數香港人去紐西蘭北島都只會去 Auckland, Rotorua 或者 Wellington, 其實最精彩的景點或許係北島最北面的 Bay of Islands, 那裡有延綿不斷長達 90 公里白色海灘, 可以駕駛四驅車係海邊飛馳, 也可以坐船到海灣睇海豚在水中暢游. 令人流連忘返………

 

Paihia 係 Bay of Islands 北島中最適合于住宿及短途旅行的小鎮, 由Auckland 楂車到 Paihia 車程要 4 小時, 到達呢個小鎮時已近日落, 接近晚上9點 由於日長夜短, 感覺並唔覺得好夜, 仲可以利用多點時間睇下周圍的環境, 但咁岩果日系周末及夏天的旅遊旺季, 好多 Motel 都已 Fully Booked, 我地用左1個多小時先搵到一間頗貴的 Motel (NZD200), 然後到海邊的餐廳享用了海鮮餐. 味道不過不失. 第二日早上報名參加兩個 Local Tour 團, 第一個係坐船到 Bay of Islands 對出的海灣睇海豚. 隻船可以容納幾十人, 大概半個鐘後, 突然之間見到幾條海豚躍出海面, 階因第一次係海見到野生海豚, 心裡禁不住大叫出口, 而且越來越多的海豚同一時間係船邊飛躍出水面, 左右前後, 仲一路追逐我地架船, 好像同你鬥快咁, 轉眼之間, 過百條的海豚不知不覺係你眼前出現, 令你目不暇給. 後來先知呢度係瓶鼻海豚的家. 有數以百計的海豚係到居住. 所以才有你個難得的機會目睹震撼場面. 架船一路去到 Motukokako Island 就見到大海中酷似象鼻山形狀的 Grand Cathedral Cave, 來回穿越了兩次,  之後就到佐令外一個島, 坐係鋪滿了青草的斜坡上食午餐, 同時也可以欣償海景同山坡上的羊群.雖然海水好凍只得 20 度左右, 但團員中都仲有好多忍不住跳入碧藍的大海中暢游.

 

 

 

    下午回到岸上搵到另外一間平靚正的 Motel 大概 AU$160. 仲係靠近海邊同市中心添! 到小鎮附近Shopping 遊盪, 發掘的新玩意兒, 食左個本地非常出名的雪糕 Hoky Poky . 好好味, 之後楂車去佐另一個小鎮Waitangi , 呢度係紐西蘭的毛利人同歐洲人共同係 1840 年簽署條約正式宣佈紐西蘭成立的地方. 非常之有歷史價值. 但令我印象最深刻的是楂車去到果度的另外一個山頭, 可以飽覽整個 Bay of Island 的全貌, 由近至遠的海島, 一座座屹立係海中. 這時天色近黃昏, 除了牛羊之外就剩下我地， 突然心血來潮, 想試下楂大膽車的滋味. 就咁我人生裡第一次嘗試楂車, 感覺非常之有趣. 很快的已經掌握了基本要領兼可以控制自如了。   

 

 

 

 

    第二日早上午我地進入左紐西蘭最北面的角落, 要經過一個 90 里長灘,而資料得知, 如果想自己楂車進入係非常之危險, 而且保險不會賠償. 所以我地只有暫時擺低架車, 跟 Local Tour 巴士團起行, 司機兼做導遊，一邊開車一邊介紹，好利害耶！Ninty Miles Beach  離開  Paihia 200km, 由於越向北走,天气就越暖, 路上經過很多溫帶樹林, 導遊會停下來為我們介紹一些巨型參樹, 足足要5個人才能抱得住. 而且有些木材雕刻店會出售一些萬年枯木制成的記念品，我也買了一塊小鏡子呢。到了 Ninty Miles Beach，巴士就走道海灘上奔馳，海灘非常寬闊，海浪也非常大，我們的車走了很久都沒遇到一個人，只有海鳥在海灘覓食，氣勢極為磅礡。我們到了盡頭，才遇到一大班遊客在一大座“沙山”的底下，原來大家都在滑沙！導遊在車上拿出很多滑沙板，我們就一一爬到沙堆頂，但看到下面非常斜，起初不敢落去，但看大家都好 ”勇”，我鼓起勇氣也滑下去了，速度好快！好刺激呀！   

 

 

 

  

   巴士再次起行這次真的到了紐西蘭最北角 Cape Reinga，那裡是一個懸崖兩邊是太平洋和 Tasiman  海，交叉的海水有兩種不同的顏色，盡頭處是一個燈塔周圍草地上都是海鷗。我們午餐在旁邊一個海灣去食飯盒。回程是3個小時的車，車上的人都睡著了，但導遊（司機）還在一路楂車一路講解，感覺就好似播錄音帶咁，佩服佩服！途中終於遇到招牌的羊群堵塞馬路的情景，好多羊咩咩哦！足足擾攘佐半個多小時才回複正常。

 

 

   回到 Paihia 已經是下午5點，今天要開夜車趕回 Auckland，明天早上要搭飛機去南島，估唔到第一次響外國開車就要開夜車，仲要開4個鐘，真有 D 擔心。我們一直在 Twin Coastal Highway 飛奔回去，途中路上都沒有街燈，但車前的大光燈一開，路上都像飛機跑道，雖然都是灣灣曲曲的山路，但開得慢 D 都頗安全，記緊要開大收音機幫助提神！開了5個鐘，終於到了 Auckland 機場附近，因為這次又沒有預訂 Motel, 又是旅遊季節，旅館到處都爆滿了，好采油站有個好心的店員開車帶路幫忙一起找，到了深夜終於找到一千零一間的Motel，而且 Receptionist  還是講廣東話的香港移民添！