馬來西亞對於大多數人來講並不陌生
! 我這次也已經是第四次踏足這個國家, 當然它的吸引程度在於她擁有豐富的資源和風光, 明媚的陽光海灘, 世界知名的潛水聖地, 一年四季如夏, 物美價廉的東西, 美味無窮的食物數之不盡……….由於時間關係, 這次選擇了報中X旅行社-馬星五天遊, 乘坐國泰航空公司, 三晚五星酒店, 一晚四星, 也只是HK$2290 ! 你覺得點 ? 硬係平靚正喇 !
第一日到吉隆坡, 晚餐食佐個好大的Bread with Curry Chicken inside, 之後就去佐酒店隔離間商場Sunway Lagoon Shopping, 係度最低就係買鞋, 一間叫VINCCI的賣鞋專門店, 平均一對鞋由HK$40-HK$100不等, 一些屬於鞋痴的旅客最少買八至十對以上. 款式OK , 質量唔錯, 最後買佐三對鞋! 咁係有殺錯冇放過喇 !
第二日去世界最高的建築物雙子塔, 由地面升到四十一樓只需四秒鐘的驚人速度, 幾過隱 ! 之後係AVIS租架車(Proton1.5), 離隊自己玩, 期間導遊不斷用懷疑的眼光, 試探的口吻同我講, 嘩! 你租車? 你識呢度的路咩? 你係大馬人呀? 你有親戚係度咩, 新山好遠個喔 ???????? 當我拿到車時已快黃昏, 才發覺原來路面所有的路牌都唔係英文! 哈哈哈! My God ! I like it ! 新挑戰! 雲頂高原由南到北的路線雖多, 只要方向感清晰, 膽大心細就可以避免行錯路!不過唔知點解這段路真係好少路牌, 天越來越黑, 在山腰不斷打圈(蝴蝶結), 冇路燈, 好似到佐一個荒郊野外, 哈哈哈.好刺激! 要克服心理障礙, 堅持就係勝利, 終於到達山頂, 嘩! 好鬼凍呀(攝氏16OC).晚餐係印度咖哩自助餐(HK$80)!
第三日開車到狄臣港, 路經Avillion (水腳屋), 整體感覺Resort Feel , 幾個泳池, 見到孔雀係度散步. 影佐好多相. 繼續上路去馬 六甲, 到佐酒店仲沒見到團友, 系間廟到食大排檔, 鮮奶炒蟹, 炒貴刁, 好好味Yummy!
第四日開車到新山, 嘩!真係好耐冇開快車喇, 係高速公路飛馳的感覺真係爽!
新山位於新加坡邊境, 就好似深圳同上水咁, 非常簡單方便, 晚餐食佐個燒魔鬼魚, 奶油蝦, 薯仔菜,黃酒煮雞, 黑椒豬肚, 拉茶,椰青,燒魚籽………食到想嘔!
第五日終於回歸大隊,見到的團友, 互相交流心得, 他們就投訴的團餐真係好難食, 導遊不斷帶他們去買手信同鑽石, 又話好羨慕同佩服我地可以開車到處玩, 其實開車從吉隆坡到新山真係好鬼遠, 大概500km. 當我們完成這段路程時都覺得好興奮. 最後這天, 我們係新加坡以最短的時間去玩好多地方, 國會大樓, 魚尾獅像, 克拉廣場, 牛車水, Sentosa (就好似香港的海洋公園咁), 半個小時都唔知玩的咩好, 最後睇佐4D, 幾好睇! 試佐最出名的海南雞飯, 唉好失望! 行程已經到此結束 .
總結, 跟團價錢硬係平酒店又正, 唔使用腦, 有專車接送, 有故事聽,但係比人趕鴨仔, 食粥三餐, 買晒所有的手信同特產, 去的悶到嘔的地方, 都係一句, 有辣有唔辣! 點選?? 問下自己想要的咩行程, 想玩的咩先, 而我下次就肯定會買Package or Ticket only. 同以前咁, Plan it by myself. 去的別人沒去過的地方.