出外旅行住靚酒店理所當然, 但係香港住酒店就似乎好不實際?? 今天趁有個機會免費入住, 感受下住香港酒店環境, 也都不失為週末不錯的選擇呀!位於東涌市中心, 臨近機場5分鐘車程的香港諾富特東薈城酒店Novotel Citygate Hong Hong , 10月份也剛好落成兩年的時間, 今天有機會來到這裡, 當然除了住酒店, 更會興致勃勃到東涌地鐵站東薈城名店倉掃貨。
Check In之前, 係酒店的 Essence Restaurant 嘆個 Lunch Buffet, 未Book之前, 己聽過呢度的口碑不錯, 價錢適宜, Booking也經常爆滿, 本應想Book Dinner Buffet 最快也要等一個月後才有Vacancy, 嘩, 咁巴閉!!! 真係想試下有咩咁特色!
坦白講$128 的價錢並不算貴! 如果將貨就價的心態就物超所值了, 食物的種類頗多, 海鮮就有小生蠔, 龍蝦仔, 海螺, 青口等, 甜品仲有兩座黑色同白色的朱古力噴泉, 我最鐘意吃的係朱古力巴夫同德國芝式餅……..D面包奶油味好重, 雖然我不好肉, 也有D唔同的雜菜薯仔同甜品滿足到我….環境的空間大, 夠開揚, 唔會逼夾, 如果周未同成班朋友來到一邊品嚐美食, 一邊暢所欲言, 當係減壓同消遣都幾過隱, 整體來講都有80分, 到夜晚仲有池邊BBQ添!
食得咁飽, 當然要逛下呢度最出名的東薈城outlet: Seven 7 & Levis outlet你可以選擇牛仔褲. 運動的服裝店是我的心頭愛, Adidas . Timberland . Nike. New Balance. 馬拉松. Columbia . Lafuma. Quiksilver. D運動鞋同衫褲貨色一般, 唔算out, 都唔算in, 但Esprit . IT場內感覺比較混亂, 其它Calvin Klein Underwear、Moiselle、Laura Ashley, Vivienne Tam因興趣不大, 冇特別留意, 總括來講它係HK最多outlet的地方, D野都OK, 唔係好平, 但係相對D store 係好平, 差store一半價錢架! 而我買的最多的戰利品都係運動衫褲啦! 雖不是滿載而歸也算係小小收獲!
回到酒店Check In, 房間雖不能同外國Resort 比較, 但也有種時代感的氣息, 透明玻璃的裝飾連同開放式的設計,令空間感覺上更加寬敞而實用.洗手間同浴室獨立分開, 很方便衛生, 始終是城市酒店嗎…. 如果有海景就正喇……